一輛白色Tesla私家車8月12日晚上在旺角上海街近旺角道，因車速較快及視線受阻，收掣不及撞倒一名59歲姓冼女途人，她手腳及臀部受傷，清醒由救護車送往廣華醫院治理。
事發於晚上9時53分，地點為旺角道與康樂街交界。據網上流傳的車Cam影片可見，Tesla沿上海街左轉入旺角道後，再迅速右轉入康樂街，期間連切4條行車線，適時一名女途人橫過馬路，Tesla收掣不及將她撞飛受傷倒地。意外後，52歲姓陳男司機即時下車查看傷者情況，他通過酒精呼氣測試，並無受傷，事件中無人被捕。
影片曝光後引來大批網民留言熱議，不少人直指司機駕駛態度有問題。有網民留言「T車日常駕駛態度」、「一嘢畀大腳，個個以為自己好勁控制到電動車」、「10個有9個都車手上身」、「又一自以為車手之作」，亦有人批評「入呢d路口篤油衝癲嫁」、「過線唔打燈，轉灣(彎)又唔X打燈」、「要收翻個牌」。
留言