蔡天鳳謀殺案 鄺港智稱與蔡及譚關係複雜 一直維持與蔡天鳳性關係 譚方駿曾用米線向他示愛

蔡天鳳謀殺案 鄺港智稱與蔡及譚關係複雜 一直維持與蔡天鳳性關係 譚方駿曾用米線向他示愛

蔡天鳳謀殺案今日(11月19日)在高等法院續審,被告鄺港智在其代表大律師安華暉主問下作供。他供稱約14歲認識蔡天鳳,其後結婚並育有一子一女,最終因盜竊案潛逃內地。控方指他依賴蔡供養,鄺否認,稱鐘錶買賣約賺2,000多萬,利潤「大多數我都唔攞㗎,畀晒」蔡,又指用蔡的信用卡是「因為我唔方便有自己戶口,所以佢畀我傍身」。

鄺指在內地期間仍與蔡每日視像或通話。被問是否仍視蔡為伴侶,他稱「好複雜,好難解釋」。他不記得何年離婚,因沒有簽署離婚文件,但知蔡有辦手續。他供稱,蔡其後的丈夫譚方駿是他11歲已認識的同學,早於認識蔡;長子一出生,譚已是「契爺」,與譚「其實唔應該用朋友嚟形容,家人囉」,並指譚「都想我哋三個一齊生活嘅」。蔡打算與譚結婚前曾告知他,他「有少少唔開心嘅,後來都祝福佢」,先稱「為咗屋企囉」,其後補充蔡告知再婚理由「因為錢囉」。

蔡曾多次到內地探望,更曾與譚到海口,三人在瑰麗酒店「瞓同一張床」,在廣州文華東方酒店亦然。鄺同意鄺港傑所說,他在海口曾與蔡接吻,並指浪漫關係維持至2023年2月。分處兩地時,兩人每日在子女睡前故事時間一齊視像。他向蔡坦白在內地有女朋友後決定回港,蔡「搵咗我三日三夜」,更叫人要爆他房門。他於2022年6月10日乘快艇返港,並同意是因蔡乞求。

被問及與蔡的關係時,他主動補充:「其實譚方駿本身係鍾意我嘅,咁但係佢屋企想要啲小朋友,我哋就3個一齊咁樣囉。佢屋企人又唔介意嘅,咁囉。」安華暉指曾問譚是否與鄺有戀愛關係,當時譚否認。鄺稱「佢買碗米線嚟示愛都試過啦」,並指住黃埔花園時,譚「日日都上嚟」。安華暉問三人是否三角關係,鄺稱「可以咁講,所以咪話複雜囉」,又指若加上內地女友Ivy便成四角:「我都唔想咁複雜,我冇可能捨棄啲小朋友同蔡天鳳、譚方駿。我又唔想害到Ivy,Ivy又想同我結婚,我又俾人通緝緊,咁我就唔想咁害佢,我又掛住啲細路仔,咁蔡叫我返嚟,我就返嚟」。他形容與蔡有如「老夫老妻」,「佢唔鬧我、我反而唔慣,但我唔係話M底嗰隻,但係就習慣咗」。被問他、蔡與譚三人之間當時有否妒忌及仇恨,鄺稱「冇嘅,咁我可能有吸引力啲,唔知譚方駿點諗,不過我諗佢都冇問題,佢都好鍾意我」。控方指鄺家意圖從蔡手中謀取加多利山單位,最終導致蔡身亡,鄺回應「根本就唔可能」。

留言