網上10月27日流傳一段影片,顯示一名身穿懷疑建築公司制服的地盤男工在安達臣單車徑推電單車,與一名軍裝警員面對面理論。
男工大喝要求警員切勿「掂到我」、「企咁埋做咩」、「你企咁埋咋」、「推到埋嚟我面前」,隨後脫下頭盔。
警員一直好聲好氣解釋,但由於聲量過細,無法聽到警員解釋內容,現場多人等候巴士,目擊事件經過。
有居民在Facebook群組「安秀苑 業主群」上載一張照片,根據電單車車牌,與片中鐵騎吻合,男工坐在電單車,男警和交通督導員在場處理。
該帖文質疑圖中男工為何「覺得成架電單車可以剷上單車徑行駛」,並提到「仲未講係早上7:30至8:45呢段最繁忙最多人既時候」。
另一名網民留言稱目擊事件,「佢一開始喺行人路推電單車,阿sir衝上去叫佢推返落單車路先再講」,之後男警詢問為何他「覺得可以喺行人路推電單車」,男工聲稱「都冇着車,推咋嘛」。
警員解釋「咁多行人喺度行,你一陣推到啲小朋友,點賠返條命畀人?」,網民稱男工「突然用心口撞阿sir,話你做咩貼咁埋同我講嘢」,最後男警「話要連人帶車返差館」。

留言